Դեկտեմբերի 6-ին ՈԱԱԿ հիմնադրման 15-ամյակի միջոցառումների շրջանակում Հայաստանի ամերիկյան համալսարանում տեղի ունեցավ «Տնտեսական աճը կարողությունների զարգացման միջոցով» թեմայով ՄԿՈՒ համաժողովը, որը բացառիկ հարթակ էր մեկտեղելու պետության, աշխատաշուկայի, ՄԿՈՒ հաստատությունների ներկայացուցիչներին և շահակիցներին՝ քննարկելու կարողությունների ձևավորմանն ուղղված լավ փորձն ու մարտահրավերները։
85 քոլեջներ Հայաստանից
250-ից ավելի մասնակիցներ
2 պանելային քննարկում
Համաժողովի ընթացքում ողջույնի խոսքով հանդես եկավ ՀՀ ԿԳՄՍ փոխնախարար Ա․ Սվաջյանը։ Նա շեշտադրեց քոլեջների հավատարմագրումը կրթական գործընթացների շարունակական բարելավման և կարողունակ աշխատուժի ձևավորման տեսանկյունից։
«Հավատարմագրումը հնարավորություն է տալիս պետությանը, դիմորդներին, միջազգային հանրությանը ցույց տալ, թե ինչ որակի կրթություն է իրականացվում տվյալ ուսումնական հաստատությունում: Մյուս կողմից այն նաև ինքնավերլուծության, խնդիրների վերհանման մեխանիզմ է, որը հնարավորություն է տալիս ուսումնական հաստատությանը արձանագրել, թե ինչն է իր մոտ լավ ստացվում այդ պահին, ինչ խնդիրներ կան, և այդ խնդիրների լուծման ուղղությամբ ինչ քայլեր պետք է արվեն»:
Արաքսյա Սվաջյան
ՀՀ ԿԳՄՍ փոխնախարար
Փոխնախարարը խրախուսեց նաև քոլեջների և գործատուների համագործակցությունը՝ նշելով, որ «Մասնագիտական կրթության և ուսուցման մասին» օրենքի ընդունումից հետո առավել բարենպաստ պայմաններ կստեղծվեն համագործակցության համար:
“
Նոր օրենքը հնարավորություն է տալու նաև մեծացնելու գործատուների հետ համագործակցությունը: Գործատուների հետաքրքրությունն է խթանելու, որպեսզի մենք փոխենք կրթության որակը և փորձենք պատրաստել այնպիսի մասնագետների, որոնց կարիքը նրանք ունեն: Ոչ ֆորմալ և շարունակական կրթությունը ևս շատ կարևոր են, բայց մասնագիտական կրթությունն էլ ավելի կարևոր է, քանի որ այն հնարավորություն է տալիս ավելի համակողմանի ապահովելու թե՛ գիտելիքների, թե՛ կարողությունների և հմտությունների զարգացումը:
ՈԱԱԿ տնօրեն Ռուբեն Թոփչյանը՝ շեշտելով, որ անմիջապես գործատուի դաշտում կիրառվող մասնագիտական կարողություններ ստեղծելու համար հանձնարարականների չափանիշները պետք է համապատասխանեն գործատուի միջավայրին և պահանջներին:
«Կարևոր է ոչ միայն կրթելը, այլ նաև այն, թե ինչ կարողություններ ենք տալիս երկրին: Գուցե մենք կարողություն ենք տալիս այն ոլորտում, որտեղ արդեն գերհագեցում ունենք: Գուցե պետք է փոխե՞լ ուղղությունը: Շատ ավելի պրակտիկ ուղղություններ կան, որոնց պակասը մեր երկիրն այսօր ունի: Այս առումով միջին մասնագիտական ուսումնական հաստատությունների դերն անգնահատելի է, քանի որ նրանք մասնագիտական այնպիսի կարողություններ են տալիս սովորողներին, որոնք անհրաժեշտ են գործատուին»։
Ռուբեն Թոփչյան
ՈԱԱԿ տնօրեն
“
Տեղական գործատուի հետ համագործակցությունն այս առումով առաջնային է: Բնական է՝ պետությունը չի կարող բոլոր հաստատությունների մասին հոգ տանել ու ապահովել այն ռեսուրսը, որով պետք է այդ կարողությունները ձևավորվեն: Կարծում եմ՝ թե՛ պետությունը պետք է աջակցի գործատուին, թե՛ գործատուն պետք է փորձի շահագրգռել ուսումնական հաստատությանը։
Շարիստան Մելքոնյան
ՀԱՀ Ընդհանուր կրթության ֆակուլտետի դեկան
«ՄԿՈՒ հաստատություններն անփոխարինելի են քաղաքացիներ և հմուտ աշխատուժ պատրաստելու հարցում»։
Զեկուցում
«Նորարարություն, ձեռնարկատիրություն և ՄԿՈՒ համակարգ․
ինչպես մասնակից դառնալ տնտեսական աճին»
ինչպես մասնակից դառնալ տնտեսական աճին»
Անահիտ Տերտերյան
Ինստիտուտուցիոնալ և ծրագրային փորձաքննության բաժնի մասնագետ
«Երկրի զարգացումը և տնտեսական ցուցանիշների աճը կախված չէ բնակչության թվի աճից, այլ նրանից, թե որքանով է հասարակությունը կրթված և կարողունակ։ Կրթված մարդն առավել արագ է սովորում փոփոխություններին և նորագույն տեխնոլոգիաների կիրառմանը, ինչը հանգեցնում է տնտեսության զարգացմանը և ՀՆԱ-ի ավելացմանը»:
Որակի ապահովումը կարևոր է, քանի որ՝
Կարևորում է ուսանողի վերլուծական, նորարարական, ստեղծագործական մտքի զարգացումը ուսումնական աշխատանքային միջավայրում։
Խրախուսում է ՄԿՈՒ ծրագրերի համապատասխանությունը տեղական տնտեսության և աշխատաշուկայի պահանջներին:
Խթանում է ՄԿՈՒ հաստատություն-գործատու կապի ամրապնդումը համատեղ ռազմավարության միջոցով:
Ձևավորում է ուսանողի գիտելիքը գործատուին անհրաժեշտ օրինակների հիման վրա:
Պանելային քննարկում․ Տնտեսական զարգացում՝ համահնչեցնել ՄԿՈՒ կրթական ծրագրերն արդյունաբերության կարիքներին
Պանելային քննարկման մոդերատոր
Արմենուհի Մհերյան
ՈԱԱԿ Շահակիցների հետ կապի պատասխանատու,
տ․գ․թ․, դոցենտ
տ․գ․թ․, դոցենտ
Պանելային քննարկում 1. մասնակիցներ
- Խաչիկ Սահակյան«Ֆերտի» բարեգործականկենտրոն»
ՀԿ -ի տնօրեն - Ելենա ՄարիտրոսյանՖրանս-հայկական ուսումնական կենտրոնի
ուսումնական աշխատանքների գծով
տնօրենի տեղակալ - Արտավազդ ԹորոսյանՄիասնական սոցիալական ծառայության
Շենգավիթի տարածքային
կենտրոնի տնօրեն - Հայկուհի ԳևորգյանՄասնագիտական կողմնորոշման
և կարողությունների զարգացման կենտրոն»,
աշխատանքի և սոցիալական հետազոտությունների
ազգային ինստիտուտի մասնաճյուղի տնօրեն
Կարևոր շեշտադրումներ
Գործատուների և ՄԿՈՒ ոլորտի ներկայացուցիչները պանելային քննարկման արդյունքում մատնանշեցին հիմնական խնդիրները և գործունեության ուղղությունները․
1
Աշխատաշուկայի կարիքներին համապատասխան մասնագետներ թողարկելու հարցում հաջողություն ունեն այն քոլեջները, որոնք ակտիվ համագործակցում են գործատուների հետ:
2
Կարևոր է, որ քոլեջի տնօրենը լինի նախաձեռնող, հստակ պատկերացնի բիզնեսը, աշխատաշուկան և նրա կարիքները:
3
Գործատուներին քոլեջում որպես դասավանդող ներգրավելը բարդ է ցածր վարձատրության պատճառով: Բայց լուծման ուղիներ գտնել հնարավոր է:
4
ՄԿՈՒ ոլորտում ևս, մասնագիտական կարողություններից և հմտություններից բացի, կարևոր են փափուկ հմտությունները, ինչպիսիք են հաղորդակցվելու, որոշումներ կայացնելու, փոփոխություններին արձագանքելու կարողությունները:
5
Գործատուն երբեմն արձանագրում է, որ ուսանողի մոտ մասնագիտական հմտությունը ձևավորվել է, բայց չի համապատասխանում աշխատանքային ռիթմին: Ուստի գործատուն կարևորում է նաև դասավանդման ընթացքում տրվող առաջադրանքները. դրանք պետք է համապատասխանեն աշխատանքային միջավայրին և պայմաններին:
6
Գործատուն մասնագիտական հմտություններից բացի կարևորում է նաև թվային հմտություններ ունենալը:
Քննարկման ընթացքում նշվեց, որ կրթական ծրագրերի համահնչեցման արդյունքում քոլեջն ունենում է.
- 1Աշխատաշուկայի կարիքներին համապատասխան մշակված կրթական ծրագրեր։
- 2Գործատուների ռեսուրսների համատեղ օգտագործման հնարավորություն ուսանողների կարողությունների զարգացման նպատակով։
- 3Գործատու-դասախոսների ներգրավման հնարավորություն՝ աշխատաշուկա մուտք գործելու պատրաստ շրջանավարտներ թողարկելու նպատակով։
- 4Շրջանավարտների զբաղվածության ցուցանիշների բարձրացում:
Գործատուն ունենում է.
- 1
Մասնագիտական կարողություններ և փոխանցելի հմտություններ ունեցող մասնագետների ներգրավման հնարավորություն,
- 2
Պրակտիկ միջավայրում գործունեության փորձ ունեցող, կարողունակ աշխատուժ:
Պանելային քննարկում․ Կարող աշխատուժի ձևավորումը տալիս է տնտեսական զարգացման շոշափելի արդյունք․ ՄԿՈՒ հաջողված փորձի ներկայացում
Պանելային քննարկման մոդերատոր
Վարդուհի Գյուլազյան
ՈԱԱԿ Ինստիտուցիոնալ և ծրագրային փորձաքննության բաժնի ղեկավար
Պանելային քննարկում 2. մասնակիցներ
- Դավիթ ԳրիգորյանՍևանի «Տեսվան»
ՍՊԸ տնօրեն - Ամալյա ԱդամյանՇիրակի տարածաշրջանային
պետական քոլեջի տնօրեն - Վլադիմիր ԲագրատունիԳյումրու թիվ 4 արհեստագործական
պետական ուսումնարանի
«Վերականգնվող էներգիայի էներգետիկ կայանների
մոնտաժում, նորոգում և սպասարկում»
մասնագիտության գործատու-դասախոս - Հասմիկ ՄաթևոսյանՍևանի բազմագործառութային պետական քոլեջի
ուսումնական աշխատանքների գծով
տնօրենի տեղակալ
Կարևոր շեշտադրումներ
Պանելի շրջանակներում քոլեջների և գործատուների ներկայացուցիչները կարևորեցին.
1
Միկրոորակավորումների կիրառումը, որը կնպաստի աշխատուժի շարունակական զարգացմանը և գործատուին անհրաժեշտ հմտությունների ձեռքբերմանը:
2
Մասնագիտական կրթությունը. կարողություններին զուգակցվող բազային մասնագիտական գիտելիքները հետագա մասնագիտական զարգացման գրավականն են:
3
Համընդհանուր անցումը դուալ կրթության, որտեղ համադրված են տեսական և գործնական գիտելիքները, իսկ կրթությունն իրականացվում է գործատուի միջավայրում:
4
Մասնագիտությամբ աշխատող ուսանողին աջակցելու մեխանիզմների առկայությունը, ինչը թույլ կտա նրան չկտրվել աշխատանքային միջավայրից՝ համատեղելով աշխատանքն ու կրթությունը:
5
Քոլեջների և գործատուների միջև համագործակցության երկուստեք շահավետ ուղիներ գտնելը:
6
Քոլեջների և գործատուների միջև վստահության մթնոլորտի ձևավորումը կնպաստի քոլեջում ներդրումների իրականացմանը կարողունակ աշխատուժի ձևավորման համար:
7
Մասնագետին ներկայացվող աշխատաշուկայի պահանջների հստակեցումը և ոլորտային չափանիշների ներդրումը գործատուների կողմից:
ՈԱԱԿ տնօրեն Ռուբեն Թոփչյանը , ամփոփելով համաժողովը , կարևորեց փոխադարձ վստահության մթնոլորտի առկայությունը և դրա շրջանակներում քոլեջների ինքնավարության մեծացումը։
«Քոլեջը պետք է ինքնավարություն ունենա, քանի որ ինքն է տեսնում և խնդիրը, և դրա լուծումը: Իսկ հավատարմագրումը և որակի ապահովումը կհավաստեն ուսումնական հաստատության պատասխանատվությունը և հաշվետվողականությունը»:
Լուրերի անդրադարձը «Տնտեսական աճը կարողությունների զարգացման միջոցով» համաժողովին
Freenews-ի անդրադարձը «Տնտեսական աճը կարողությունների զարգացման միջոցով» համաժողովին
Հետադարձ կապ
